УЛАМЖЛАЛТ АНАГААХ УХААНЫ НЭГДСЭН ЭМНЭЛГИЙН НЭЭЛТТЭЙ ХААЛГАНЫ ӨДӨРЛӨГ АМЖИЛТТАЙ БОЛЖ ӨНДӨРЛӨЛӨӨ.

Уламжлалт анагаах ухааны нэгдсэн эмнэлэг 2025 оны 04 сарын 03-ны өдөр нээлттэй хаалганы өдөрлөгийн үйл ажиллагаа зохион байгууллаа. Өдөрлөгийн үеэр Монголын нэгдмэл анагаах ухааны нийгэмлэгийн тэргүүн, Анагаах ухааны доктор профессор, элэг судлаач, хануур заслын мастер багш Г.Машбат аймгийн уламжлалт анагаах ухааны их эмч, бага эмч, сувилагч нарт “Нөлөөлөл 2025” “Элэгний В,С вирусийн шалтгаант халдварын үеийн хүндрэл, хавдраас урьдчилан сэргийлэхэд уламжлалт анагаах ухааны эмчилгээ” “Хувь хүний өвөрмөц чанарыг хэрхэн тодорхойлох вэ?” сэдэвт сургалтуудыг зохион байгууллаа. Нээлтийн үйл ажиллагаанд Аймгийн Засаг дарга С.Мөнхчулуун, Нийгмийн бодлогын хэлтсийн дарга Ц.Эрдэнэсүрэн нар оролцлоо.
Тэнгэрийн тэмдэг хүүхдийн театрын сургалтын танхимд “МУАУ-ны хувь хүний өвөрмөц чанарыг хэрхэн тодорхойлох вэ, Идээ ундаа, явдал мөрөөр өвчнөөс урьдчилан сэргийлэх арга” сэдвээр Монголын нэгдмэл анагаах ухааны нийгэмлэгийн тэргүүн, Анагаах ухааны доктор профессор, элэг судлаач, хануур заслын мастер багш Г.Машбат, “Уламжлалт анагаах ухааны эмчилгээний мөн чанар” сэдвээр Зөвлөх эмч, клиникийн профессор Л.Бямбаа нар аймгийн ард иргэдэд эрүүл мэндийн боловсрол олгох, уламжлалт анагаах ухааныг сурталчлан таниулах сургалт зохион байгуулж, 100 гаруй иргэн, төрийн болон төрийн бус байгууллагын төлөөлөл оролцлоо. Сургалтын дараа хувь хүний өвөрчлөл тодорхойлж зөвлөгөө өгөх, уламжлалт анагаах ухааны их эмчийн үзлэг хийх, хий, шар, бадганыг дарах идээ ундааг сурталчлах, Шинээр гаргасан уламжлалт анагаах ухааны эмүүдийг сурталчлан таниулах, Эрүүл мэндийн даатгал төлөлтийг и монголиа-р шалгах, хэрхэн төлөх заавар өгөх, Эрүүл мэндийн даатгал төлөх ашиг тус сурталчлах, уламжлалт анагаах ухааны нэгдсэн эмнэлэгт хийж буй эмчилгээнүүдийг танилцуулах зэрэг арга хэмжээнүүдийг амжилттай зохион байгууллаа. Сургалт, өдөрлөгийн арга хэмжээг хамтран зохион байгуулсан Монголын нэгдмэл анагаах ухааны нийгэмлэгийн тэргүүн, Ачуут гол эмнэлгийн захирал, Анагаах ухааны доктор профессор, элэг судлаач, хануур заслын мастер багш Г.Машбат, Ачуут гол эмнэлгийн эмч нар, өдөрлөгт хүрэлцэн ирж идэвхитэй оролцсон аймгийн ард иргэд, ахмадын хороо, ажилтнуудаа оролцуулсан төрийн болон төрийн бус байгууллагын төлөөллүүдэд талархал илэрхийлье. Уламжлалт анагаах ухаан зүг бүрт дэлгэрэх болтугай.